१० . भुवनमण्डले नवयुगमुदयतु
१० . भुवनमण्डले नवयुगमुदयतु
भुवनमण्डले नवयुगमुदयतु सदा विवेकानन्दमयम्
सुविवेकमयम् स्वानन्दमयम् ।।धृ०।।
तमोमयं जन जीवनमधुना निष्क्रियताऽऽलस्य ग्रस्तम् ।
रजोमयमिदं किंवा बहुधा क्रोध लोभ मोहामिहतम् ।
भक्ति ज्ञान कर्म विज्ञानैः भवतु सात्विकोद्योतमयम् ।।१।।
वह्निवायुजलबलविवर्धकं पाञ्चभोतिकं विज्ञानम् ।
सलिलनिधितलं गगनमण्डलं करतलफलमिव कुवार्णम् ।
दीक्षुविकीर्णं मनजकुलमिदं घटयतुचैककुटुम्बमयम् ।।२।।
सगुणाकारं ह्यगुणाकारं एकाकारमनेकाकारम् ।
भजन्ति एते भजन्तु देवं स्वस्व निष्ठयाविमत्सरम ।
विश्व धर्ममिममुदारभावं प्रवर्धयतु सोहार्दमयम् ।।३।।
जीवे जीवे शिवस्वरूपं सदा भावयतु सेवायाम् ।
श्रीमदूर्जितं महामानवं समर्चयतु निजपूजायाम् ।
चरतु मानवोऽयं सुहितकरं धर्मं सेवात्यागमयम् ।।४।।
Comments
Post a Comment